prelecziun da sarah welk

Las scolaras ed ils scolars dalla 3. tochen 6. classa han giu visetas specialas en scola. L'autura tudestga Sarah Welk ha priu la peda da vegnir en Scola Sedrun a preleger ord in da ses cudischs enconuschents – "Sommer mit Opa". Ils affons han tedlau cun bucca e nas las aventuras da Jonas e Marie che han astgau ir cun lur tat en vacanzas – in tat empau auter che quei ch'ils nos ein tgunsch. Il rir ha en mintga cass buca muncau. Silsuenter han ils affons giu la caschun da tschentar damondas all'autura; denter auter han els aschia intervegniu dall'autura co ella anfla las ideas per ses cudischs, con ditg ch'ella drova da scriver las historias ni cons cudischs ch'ella ha gia ediu. Per finir han tuts retschiert ina carta suttascretta dall'autura. 

 

fotografias da Sandro Tomaschett