camp a tavau – 4. di

La gievgia eis ei buca stau aschia in stregn di sco tschels dis. Nus havein saviu levar cura che nus havein vuliu, denton las otg ha ei dau solver. Solver ha ei dau sco usitau in buffet ed aschia havein nus saviu magliar quei che plai a nus il meglier. Silsuenter havein nus saviu pinar igl uorden necessari per il di. Igl emprem havein nus visitau il "Kirchner Museum". Leu havein nus astgau ir en gruppas e far differents posts sco p.ex. modellar figuras ni malegiar suenter maletgs etc.

Naven dallas 11:00 havein nus giu temps liber tochen las 15:20. En quei temps havein nus saviu far quei che nus havein vuliu. Nus buobas dalla 6. classa essan stai igl emprem el H&M; silsuenter essan nus ir a magliar kebab. Cura che nus eran a fin havein nus aunc cumprau ina glace. Suenter essan nus turnai ella "jugi" tochen allas 15:12 perquei che da quei temps mava il bus tier il "Wintersport Museum", la proxima activitad sin nies program. Leu havein nus empriu co il sport d’unviern ei sesviluppaus; p.ex. ils skis, la cuorsaliunga ni il hockey ed aschia vinavon. Cura che quei ei stau a fin havein nus puspei giu temps liber tochen da tscheina las 18:30. Ei ha dau ris e chilli con carne ed aunc verduras.

Suenter tscheina havein nus mirau nies film che nus havein fatg per rimnar ils daners. Quel ei vegnius ualti cools – mo in pèr sbagls haveva ei tuttina aunc. Per quels che han vuliu havein aunc dau lotto el foyer dalla "jugi". E sco finiziun havein nus aunc mirau il giug dall'EM (Holland-Austria). Las biaras buobas dalla 6. classa han teniu per Holland. Quei di ei staus cools e leghers ed ussa selegrein nus aunc sil davos di. 

Las buobas dalla 6. classa

rapport dad Alicia, Flavia, Giulia, Leonie & Nina

fotografias da Lea Berther & Sandro Tomaschett