camp a tavau – 3. di

Oz essan levai in tec pli baul per far il test da covid-19. Suenter essan i a solver; ei ha dau salata da fretgs cun paun ed aunc bia auter.

Suenter essan nus i sil bus per ir viers il Pass dil Flüela a dar disc golf (golf cun frisbee). Igl ei buca stau aschi grev da sittar – denton ha il vent per part fatg in streh tras il quen. Tut en tut eis ei denton stau fetg lessig! Era fetg cool ei stau che nus essen suenter i a pei tochen tiegl Adventure Park.

Leu havein nus sco emprem gentau. Suenter havein nus survegniu ina instrucziun per ir a reiver entras il scolast da reiver. Ils menaders dil parc han drizzau en igl equipament da reiver per mintgin. Allura han tuts stuiu far la percuorsa melna ni verda – las duas semplas variantas. Il highlight ei denton la tuor da "Bodyjumping" stada; quella era ca. 14 meters aulta. Ils biars han ughegiau da schar curdar ni schizun siglir giu dalla plattafuorma. Plinavon han certins aunc fatg las rutas cotschnas e neras empau pli pretensiusas. La finfinala ein tuts vegni sin lur cuosts – e certins fussen aunc uss el parc da reiver sch'els havessen buca serrau. ;-)

Naven da leu essan turnai cun bus tochen ella "jugi". Tgi ei ius a cumprar en enzatgei, tgi ei turnaus directamein ella "jugi". Avon tschein havein nus aunc giu in tec temps liber ed havein fatg empau pacific. Da tscheina ha ei dau chicken nuggets cun salata e dessert. E pli tard mirein allura aunc il giug dalla Svizra encunter l'Italia. 

Tschüss e tochen damaun :-)

rapport dad Afonso, Leon, Roc & Tim

fotografias da Lea Berther & Sandro Tomaschett