camp a tavau – 1. di

Nus essan  s’entupai oz endamaun avon la casa dil Daniel Schmid. Lu essan nus tuts i el bus ed havein fatg in liung viadi si Tavau. Cura che nus essan arrivai havein nus mess las valischas en nies camp da giuvenils. Lu essan nus i el Migros ed havein cumprau nies gentar. Silsuenter havein nus magliau nies picnic e fatg in tec bogn en in pign laghet.

Il suentermiezdi havein nus fatg ina cuorsa d’orientaziun atras il marcau da Tavau per empredenr d’enconuscher nies liug da camp. Entuorn las quater essan nus turnai el camp da giuvenils ed havein astgau ir en nossas combras. Pli tard essan nus i egl "Adventure Room" ed havein stuiu sligiar differents pensums per spindrar il mund dils nauschs. Las buobas han secapescha dumignau il meglier quei pensum! ;-)

Suenter quella aventura essan nus turnai el camp da giuvenils ed havein giu ina fetg buna tscheina. Suenter tscheina havein nus telefonau cun nos geniturs e lura dau in pèr giugs e mirau il giug da ballapei.

Quei ei stau in fetg bi di plein aventuras e nus sperein ch’ils proxims dis vegnien exact aschi bials e leghers!

 

rapport dad Irina, Iris, Laura & Leonor  

fotografias da Lea Berther & Sandro Tomaschett