viadi d'atun a verclisa

Gievgia ils 1 da settember 2022 essan nus serendi communablamein culla 6. classa cun tren a Sedrun. Da leu ha la pendiculara menau nus sil Cuolm da Vì, nua che nies viadi ha pér propi entschiet. Pass per pass essan nus serendi sur Gendusas viers Verclisa. Arrivai el liug havein nus gudiu la biala survesta duront la pausa da miezdi. Suenter che nus havein giu svidau ils sacados ed empleniu ils maguns havein nus priu la via suttapeis ed essan serendi al Lag Serein. Naven da leu essan nus suandai il trutg che meina a Caischavedra. La davosa etappa da nies viadi d'atun ha la finfinala menau nus sur Muot dalla Val Segnas giuadora ed a casa. 

Igl ei stau in bi e per entgins era in stentus viadi; la fin dils quens han denton tuts dumignau ed astgan esser cuntents da lur prestaziun. Entginas impressiuns da quei di anfleis vus cheu sut. 

 

fotografias da Sandro Tomaschett