igl inagain digl emprender

Ils sis animals representan strategias d'emprender, las qualas risguardan dil tuttafatg la moda e maniera da luvrar da nies tschurvi. Ils tips e trics sebasan sillas retschercas dils pli renomai scientists dil tschurvi e digl emprender (Vera F. Birkenbihl, Peter Gasser, Gerald Hüther, Remo H. Largo, Manfred Spitzer, Stefanie Rietzler e Fabian Grolimund) ed accumpognan nus duront il mintgadi da scola. Cussegls d'emprender pli concrets anflas ti cheu. 

	focussar – sco il tschéss esser aviarts e sefocussar s'orientar e far ina survesta
	ughegiar – sco il liun empruar activamein e senza tema crer en sesez ed emprender da sbagls
	construir – sco il falien analisar, cumparegliar e structurar las informaziuns associar e construir activamein la savida
	imitar – sco il cameleon emprender cun exempels, observar ed imitar dumandar, discussiunar ed instruir in l'auter
	proceder – sco la glimaia far pass per pass – e pausas (pomodoro) luvrar tenor las habilitads ed egl agen tempo
	repeter – sco il papagagl repeter e reflectar regularmein exercitar variontamein e cun moviment

bein organisau ei miez dumignau

Ils cussegls suandonts s'orienteschan medemamein allas qualitads dils animals presentai sura. Els porschan in sustegn en connex culs pensums da casa sco era per clausuras. 

	focussar – seconcentrar silla lavur eleger plaz clar e ruasseivel – metter si pamir e preit procurar per aria frestga, beiber aua, moviment – muenter la detta-pei far ina survesta dils pensums, definir ina strategia e limita da temps
	ughegiar – crer en sesez crer en sesez e patertgar positiv – "Jeu damognel quei!" far liber il tgau – nudar las temas ed ils quitaus sin in sboz trer profundamein flad – tecnica "5x5"
	proceder – luvrar pass per pass luvrar pass per pass e nudar la via alla sligiaziun luvrar exact nua necessari e buca piarder temps cun caussas nunnecessarias far pausa/cuntinuar cul proxim pensum en cass d'in blackout – focussar!